"Барселона" бош мураббийи Хави Испания чемпионатининг якшанба куни бўлиб ўтган "Атлетик"га қарши ўйинидан сўнг ҳакамга қўполлик қилди.
Маҳаллий ОАВ, хусусан Movistar порталининг хабар беришича, Хави бир нечта қўпол ибораларни айтди. Қайд этиш жоиз, "Барселона" ва "Реал" вакиллари жорий мавсумда мунтазам равишда ҳакамликдан шикоят қилишмоқда.
Ҳозирда "Барселона" Испания чемпионати турнир жадвалида учинчи ўринда бормоқда. Хави шогирдлари пешқадам "Реал"дан 8 очко ортда қолмоқда.
Олдинда Ла Лиганинг ўн бир тури бор. "Барселона" навбатдаги ўйинини 8 март куни ўз майдонида "Мальорка"га қарши ўтказади.
