Эртага XXII мамлакат чемпионатининг 1-турида футболчиларимиз “Олмалиқ” жамоасига қарши майдонга тушишади.

Аввалги мавсумларда ушбу икки жамоа ўзаро 10 маротаба рўбарў келишган. Шундан еттита баҳсда “аждарлар” зафар қучишган, қолган учтасида эса дуранг натижаси қайд этилган.   Тўплар нисбати қуйидагича кўриниш олган- 17:4. “Насаф” жамоаси фойдасига.

“Насаф”дан “Олмалиқ” дарвозасини нишонга олган футболчилар қўйидагича: Илҳом Шомуродов (4 та), Артур Геворкян (2 та), Зафар Холмуродов, Жасур Бобоев,  Камолиддин Мурзоев, Мақсуд Каримов, Жаҳонгир Жиямуродов, Кенжа Тўраев, Фозил Мусаев, Мирзакамол Камолов, Иван Бошкович, Владимир Шишелов ва Илҳом Юнусов бир мартадан “Олмалиқ” дарвозасини ишғол этишган. Шквирин шогирдларининг  бешта голидан иккитасига Александр Востриков муаллифлик қилган бўлса, яна бир мартадан Муйдин Мамазулунов, Шоаҳмедов ва Абдураҳмонов “аждарлар” дарвозасига тўп киритган.

Эътиборлиси ҳали “Олмалиқ” жамоаси “аждарлар”ни мағлуб этишнинг уддасидан чиқишмаган.

“Насаф” – “Олмалиқ” жамоаларининг ўзаро ўйинлари жадвали:

2008 йил
10 май. “Насаф” - ОТМК   1:0 ( Зафар Холмуродов, 21)
27 август. ОТМК - “Насаф”   1:1 (Александр Востриков. 38 пен — Жасур Бобоев, 40)

2009 йил
29 июнь. “Олмалиқ” - “Насаф” 0:2 (Шомуродов, 15, Мурзоев 63 пен)
7 август. “Насаф” - “Олмалиқ”   2:1 (Мақсуд Каримов, 19, Жаҳонгир Жиямуродов, 85, - Мўйдин Мамазулунов, 90).

2010 йил
16 май. “Олмалиқ” - “Насаф”   0:0.
26 август. “Насаф” - “Олмалиқ”  4-0 (Илҳом Шомуродов, 9, 13, 38, Кенжа Тўраев, 35).

2011 йил
20 март. “Насаф” - “Олмалиқ” - 2:1 (Артур Геворкян 25, 72,  Александр Востриков 60, )
22 октябрь. “Олмалиқ” - “Насаф” 0:0

2012 йил.
1 июль. “Насаф” – “Олмалиқ” - 4:2 (Мусаев, Камолов, Бошкович, Юнусов – Шоаҳмедов, Абдураҳмонов)
3 август. “Олмалиқ” – “Насаф” 0:1 (Шишелов).

Эслатиб ўтамиз, “Насаф”- “Олмалиқ” учрашуви 2 март, шанба куни соат 18:00 да “Марказий” стадионда бошланади. Беллашувни ФИФА рефериси Равшан Эрматов бошқариб боради.