Ўтган мавсум мураббийлик фаолиятини бошлаб, ушбу мавсум илк маротаба Олий лигада илк марта жамоани майдонга бошлаб тушган Бахтиёр Ашурматов "Гулистон" билан ғалабага эришди. Ёш мутахассис ўз шогирдларини ўйинга руҳлантириб, уларга ишонч туйғусини бера олди. Гулистонликлар "Қизилқум"га қарши Зарафшонда кечган ўйинда яратилган имкониятлардан унумли фойдаланиб, дастлабки 3 очкога эга бўлишди.

Ўйиндаги ҳар иккала гол Элёр Жаҳонов ҳисобига ёзилди. Ўйиннинг 7-дақиқасида қанотдан ошириб берилган тўпни "Қизилқум" дарвозабони муштлари билан уриб юборганидан кейин Жаҳонов тўпни дарвозага йўллади. Иккинчи бўлимнинг 56-дақиқасида эса яна ўша ҳужумчи дарвозабоннинг олдинга чиқиб кетганидан унумли фойдаланиб, тўпни Тожибоевнинг устидан ошириб, дарвозага йўллади.

Равшан Ҳайдаров шогирдлари эса б иринчи бўлимда яхши ўйин кўрсата олишмади. Иккинчи бўлимда эса қилинган ҳаракатлар эса фойда бермади. Иккита тўп фарқи билан олдинга чиқиб олган "Гулистон" жамоаси ҳимояда ишончли ўйин кўрсатишди. Ўйиннинг сўнгги дақиқаларида дарвозабон Дониёр Усмонов майдон эгаларининг голга тортадиган яққол зарбасини (яқин масофадан) қайтаришга муваффақ бўлди.

Шундай қилиб, "Гулистон" ва Бахтиёр Ашурматов мавсумни ғалаба билан бошлади.

ОЛИЙ ЛИГА. 1-ТУР.
ҚИЗИЛҚУМ - ГУЛИСТОН - 0:2 (0:1)
Гол: Элёр Жаҳонов (7, 56)
«Қизилқум»: Элдор Тожибоев, Темур Яфаров, Андрей Власичев, Олим Навкаров (Фаррух Шотурсунов 46), Феруз Бобоқулов, Темур Айзатулов (Фаррух Ҳайдаров 46), Файзулла Қамбаров, Темур Васильев, Яннис Манзукас, Илья Ильин, Алишер Саматов
«Гулистон»: Дониёр Усмонов, Иброҳим Раҳимов, Акбар Саттаев, Бобуржон Акбаров, Сарваржон Жўраев, Элёр Жаҳонов, Роббим Ҳасанов, Собир Усмонхўжаев (Алишер Шоғуломов 76), Илёс Хайров, Хуршид Йўлдошев (Зафар Қорақулов 56), Носир Отақўзиев
Бош ҳакам: Ҳасан Рўзиев