Терма жамоа директори Стеван Стояновичнинг сўзлари Сербия футбол иттифоқи сайтида эълон берилди. Унга кўра, Иттифоқ вакиллари дам олиш кунлари Мюнхенда "Бавария" ярим ҳимоячиси Александр Павлович ва унинг ота-онаси билан учрашув ўтказишган.
Улар футболчининг март ойида Сербия терма жамоасига чақирилиши мумкинлигини муҳокама қилишган. Павлович ҳозирча буни рад этди. "Бавария" ярим ҳимоячиси Евро-2024 тугагунча кутиб, кейин қарор қабул қилмоқчи.
Айтиш жоизки, “Бавария” тарбияланувчиси бўлган 19 ёшли Павлович Германия терма жамоасида ўйнаш ҳуқуқига эга. У ушбу мамлакат ёшлар терма жамоасида бир неча ўйин ўтказган.
