Бир нечта манбаларга кўра, "Барселона" Ферран Торресни Чемпионлар лигаси 1/8 финалида "Наполи"га қарши жавоб ўйинида ўз таркибига қўшишни режалаштирмоқда.

Испаниялик футболчи якшанба куни жамоа билан машғулот ўтказмади. Бироқ у душанба куни, “Наполи”га қарши ўйиндан бир кун олдин машғулотларга қайтиши кутилмоқда. Агар у ўзини яхши ҳис қилса, жамоага қўшилади.

Ҳар ҳолда, 24 ёшли футболчи учрашувни асосий таркибда бошламаслиги эҳтимолдан холи эмас. Чап қанотда унинг ўрнига Фермин ёки Жоау Феликс майдонга тушиши керак.

Ферран Торрес жорий мавсумда “Барселона” сафида 32 та ўйинда майдонга тушиб, 11 та гол урди ва 4 та голга ассистентлик қилди.