Англиянинг «Манчестер Сити» клуби ҳужумчиси Карлос Тевес жамоа бош мураббийи Роберто Манчини билан бўлиб ўтган можароли вазиятдан кейин анча ўзгарганини айтиб ўтди.

«Жамоага қайтишим осон бўлмаслигини билардим. Чунки кетаётганда орқа эшикдан чиқиб кетгандим. Олдинги бошқа Тевес, ҳозир эса умуман бошқа Тевес бор деб айтишим мумкин. Олдингисида муаммолар бўларди. Ҳозиргисида эса йўқ».

«Оиламни Англияга қайтиши туб бурилишга сабаб бўлди. Кайфият ва ҳаётга бўлган муносабат ўзгарди. Авваллари асосий таркибга кира олмасам, кайфиятим бузиларди. Энди ҳам бу хабарни хурсанд бўлиб қабул қилишим кам ҳолларда учрайди. Аммо уйга қайтгач, қизларимни кўрганимдан сўнг барча муаммоларни унутаман ва ўзимни яхши ҳис қила бошлайман», дея Тевеснинг сўзларидан иқтибос келтирмоқда «Sunday Times» нашри.