"Бавария" ярим ҳимоячиси Леон Горецка жамоадоши Александр Павловичнинг муваффақияти ҳақида гапирди.
Сўнгги ойларда 19 ёшли футболчи Мюнхеннинг асосий жамоасида мунтазам ўйнаб келмоқда. Ярим ҳимоячи Германия ва Сербия терма жамоаларини халқаро миқёсда ҳимоя қилиши мумкин, аммо ҳали якуний қарорга келмаган.
"Бу қарорни ҳар ким ўзи қабул қилиши керак, лекин агар мен Алексга тавсия бера олсам, унга Германия терма жамоасини танлашни маслаҳат берган бўлардим. Мен бу футболчининг иқтидорига ашаддий мухлислик қиламан, у ҳозир тўлиқ эркин ўйнаяпти. Унинг ҳар сониядан қандай завқ олишини кўриш жуда ёқимли", - деди Горецка Bild нашрига берган интервьюсида.