Трансфер бўйича эксперт Маттео Моретто "Милан" Франческо Камарда билан биринчи профессионал шартномаси бўйича келишувга эриша олмаганини тасдиқлади.
Камарда якшанба куни 16 ёшга тўлди, шунинг учун у А Серия гиганти билан биринчи профессионал шартномасини имзолаши мумкин.
Бироқ, "россонерилар" ва ҳужумчининг агенти яқин орада келишишлари кутилмайди.
Футбол Италиа трансфер эксперти Маттео Моретто бугунги кунга қадар "Милан" ва Камарда ўртасида ҳали ҳам келишув йўқлигини тасдиқлади.
Мореттонинг қўшимча қилишича, музокаралар кейинги бир неча ҳафта ичида давом этади, аммо Камарда кейинги мавсумда қаерда ўйнашини ҳали билмайди.
Истиқболли италиялик ҳужумчи 2023-йилнинг ноябрида “Сан-Сиро”да “Фиорентина”га қарши ўйиннинг иккинчи ярмида захирадан майдонга тушиб, А Сериянинг энг ёш дебютантига айланди.
