"Барселона" бош мураббийи Хави Эрнандес жамоанинг марказий ҳимоячиси Андреас Кристенсеннинг янги позициясидаги ўйинига баҳо берди.

"Кристенсен ярим ҳимоячи сифатида ўйнаш бизга ўйинни яхшироқ назорат қилиш имконини беради. Мен унинг ўйинидан жуда мамнунман", - деди испаниялик мутахассис ўйинолди матбуот анжуманида.

Жорий мавсумда 27 ёшли футболчи барча мусобақаларда 32 та учрашувда майдонга тушиб, 2 та голли узатмани амалга оширди.

Эртага, 12 март куни "Барселона" Европа Чемпионлар Лигаси 1/8 финал жавоб ўйинида "Наполи"га қарши майдонга тушади.