Юрген Клопп мавсум охирида жамоани тарк этишга қарор қилганидан сўнг, "Ливерпуль" янги бош мураббий қидирмоқда.
"Байер" устози Хаби Алонсо АПЛ гиганти учун энг яхши танлов бўлиб қолмоқда, аммо уни ёзда "Энфилд"га ўтишга ишонтириш жуда қийин бўлади. Шу сабабдан ҳам "қизиллар" бошқа номзодларга эътибор қаратишди.
Football Insider нашри хабарига кўра, "Ливерпул"нинг номзодлар рўйхатига "Брайтон" бош мураббийи Роберто Де Дзерби, германиялик Юлиан Нагельсманн ва "Спортинг" устози Рубен Аморим киритилган.
Эҳтимол, Клоппнинг ўрнини "Ливерпул"да шу уч мутахассисдан бири эгаллайди, бироқ, Алонсони клубга жалб қилиш умиди ҳамон сақланиб қолмоқда.
