Англия Премьер-лигасининг икки жамоаси Франкфуртнинг “Айнтрахт” клуби марказий ҳимоячисига кўз тикди. Гап Бундеслигада дебют мавсумини ўтказаётган Виллиан Пачо ҳақида кетмоқда.
Журналист Флориан Плеттенберг хабарига кўра, футболчини "Арсенал" ва "Ливерпуль" клублари нишонга олишмоқда. Қайд этилишича, Франкфуртнинг “Айнтрахт” клуби ёзда эквадорлик ҳимоячи учун 60 миллион евро товон пули талаб қилади.
Олдинроқ 22 ёшли Пачо "Реал"га ўтиши мумкинлиги ҳақида хабарлар тарқалган эди, аммо "қироллик клуби" ёзда эквадорлик футболчини таклиф этмаса керак.
