Германия терма жамоаси бош мураббийи Юлиан Нагельсманн "Бавария" ярим ҳимоячиси Леон Горецкани март ойидаги ўйинларга чақирмасликка қарор қилди. Журналист Кристиан Фалк берган маълумотларга кўра, Леон ўрнига "Бавария"нинг ёш ярим ҳимоячиси Александр Павлович терма жамоага чақирув олади.
Горецка сўнгги ҳафталарда яхши формада эмас, шу боис Нагелсманн футболчини терма жамоага чақирмасликка қарор қилди. Павлович, ўз навбатида, яхши ўйин кўрсатди.
Павлович аввалроқ Сербия терма жамоаси таклифини қабул қилиши мумкин эди, бироқ Александр Германия терма жамоасида ўйнашга қарор қилди.
