Аввалроқ "Манчестер Сити" "Барселона"нинг ёш марказий ҳимоячисини ўз сафига қўшиб олмоқчи эди. Гап 17 ёшли Пау Кубарси ҳақида кетмоқда, у мавсумнинг иккинчи ярмида жамоада асосий ўйинчига айланди.
Relevo хабарига кўра, "шаҳарликлар" аввалроқ Кубарси билан эҳтимолий трансферни муҳокама қилган, бироқ футболчининг атрофидагилар Пау "Барселона"да қолишни истаётганини аниқ айтишган.
Кубарсининг "блауграна" билан амалдаги шартномаси 2027 йилнинг ёзида тугайди, аммо каталонияликлар раҳбарияти марказий ҳимоячи билан узоқ муддатли шартнома имзоламоқчи.
