"Брайтон" бош мураббийи Роберто Де Дзерби "Рома"га қарши Европа лигаси 1/8 финали жавоб ўйини олдидан фикрларини билдириб ўтди.
Италияда бўлиб ўтган биринчи ўйинда "чайқалар" 0:4 ҳисобида мағлуб бўлди.
"Ғалаба қозониш учун нима керак? Биз гол уришимиз керак. Охирги ўйинларда кўп гол ура олмадик, лекин кўплаб вазиятлар яратдик. Кўпроқ гол уриш учун, имкониятлар яратиш учун яхшиланишга эътибор қаратишимиз керак. Менинг вазифам футболчиларга имконият яратишга ёрдам бериш, чунки улар майдонга тушишади. Камбэк борасида тажрибам борми? "Фодже"да бўлганимда биринчи ўйинда 1:5 ёки 2:5 ҳисобида ютқазиб, кейин 6:1 ҳисобида ғалаба қозонгандик. Аммо бу бутунлай бошқача ҳикоя. "Рома" - жиддий жамоа, яхши ҳолатда. Мен уларнинг сўнгги ўйинларини томоша қилдим ва улар эришаётган натижаларга лойиқ", — деди Де Дзерби матбуот анжуманида.