Мадриднинг "Реал" клуби ҳали ярим ҳимоячи Лука Модричга янги шартнома таклиф қилмади, деб хабар бермоқда Marca нашри.
Аммо клуб кейинчалик унга бир йиллик янги шартнома таклиф қилади. Мадридликлар 38 ёшли футболчи билан узоқроқ шартнома имзолаш ниятида эмас.
Модрич Карло Анчелоттининг мураббийлар штабига қўшилиш таклифини рад этгани ҳақида маълумот бор эди, хорватиялик футболчи 2026 йилги жаҳон чемпионатида ўйнашни режалаштирмоқда. Шунингдек, Лука ёзда "Реал"ни тарк этишга тайёр экани ҳам хабар қилинганди.
Лука 2012 йилдан бери "Реал"да ўйнаб келмоқда. Бу вақт ичида футболчи 520та ўйин ўтказиб, 39та гол урди, 83та голга ассистентлик қилди ва 25та совринни қўлга киритди.
