"Арсенал"нинг собиқ футболчиси Тьерри Анри ЕЧЛ 1/8 финалидан ўрин олган "канонирлар" ва "Порту"нинг жавоб учрашувида (1:0, пенальтилар бўйича 4:2) пенальтилар сериясини охиригача кўра олмади.
Франциялик собиқ футболчи "Порту" футболчиси Галено томонидан амалга оширилган зарбага қарамади, бу эпизодда лондонликлар дарвозабони Давид Райя сейв амалга оширди. Ўйиндан сўнг Анри мавзуга изоҳ берди:
"Унинг тўпни жойлаштириш усули шубҳали кўринди. Мен шундай зарбаларни бажарганман, баъзида юзидан ниманидир билиш мумкин.
Галено хотиржам кўринмади, гол уришга ошиқаётганга ўхшамади" - деди Анри.