Жанубий Корея Кей-лигаси қишки трансфер бозорининг энг қайноқ харидларидан дея баҳоланган Сервер Жепаров “Сеонгнам Илва Чунма”нинг 1-тур ўйинида ҳаттоки ўйин қайдномасига ҳам киритилмагани кўпчиликни ажаблантирган эди.

Маълум бўлишича, бош мураббий Ан Ик Су шу куни Саудия Арабистонининг “Аш-Шабоб”идан харид қилинган Сервер Жепаров ва Япониянинг “Гамба Осака”сидан сотиб олинган Ли Сеунг Рёл каби “калит” футболчиларнинг виза ва трансфер ҳужжатлари тайёр бўлмаганлиги сабаб улар хизматидан фойдалана олмаган.

Жанубий Кореянинг “Sports World” ва “Sports Seoul” нашрлари ушбу футболчиларнинг ўрни яққол билинганлигини эътироф этаркан, кейинги турларда уларни майдонда кўришга умид билдирган.

Отабек Йўлдошев, Жанубий Корея, Сеул.