"Реал"нинг бўлажак янги футболчиси Килиан Мбаппе ёзда Олимпиадада иштирок эта олмайди. 2024 йилги Олимпиада Парижда бўлиб ўтади ва "ПСЖ" юлдузи ўз ватанидаги турнирда Франция терма жамоасида ўйнашни ўйлаётганди.
L'Equipe нашри хабарига кўра, Мбаппе "Реал"га ўтиши сабабли буни уддалай олиши даргумон. Мадрид клуби французни турнирга қўйиб юбормайди. Клуб футболчини янги мавсумни тикланиш билан бошлашни истамаяпти.
Эслатиб ўтамиз, Килиан Мбаппе "Реал"га эркин агент сифатида ўтиши керак. 25 ёшли футболчи "ПСЖ" билан июнь ойида тугайдиган шартномасини узайтирмасликка қарор қилди.
