"Челси" ёзги трансфер ойнасида икки футболчисини сотиш ҳақида ўйламоқда. TalkSport нашри хабарига кўра, "аристократлар" Италиянинг "Рома" клубида ижара асосида тўп сураётган ҳужумчи Ромелу Лукаку ва "Реал" ижарага олган дарвозабон Кепа Аррисабалага билан хайрлашмоқчи.
Лондон клуби 30 ёшли бельгиялик ва 29 ёшли испанияликларнинг трансферларидан 117 миллион евро ишлаб олишни режалаштирган.
"Кўклар" биринчи навбатда Саудия Арабистони жамоалари билан музокара олиб боради.
Эслатиб ўтамиз, жорий мавсумда Лукаку 18 та гол урди ва 4 та голли узатмани амалга оширди. Кепа эса ўз дарвозасидан 18 та гол ўтказиб юборди ва 7 та ўйинда ўз дарвозаси дахлсизлигини сақлаб қолди.