"Байер" ярим ҳимоячиси Гранит Жака Европа лигаси 1/8 финали жавоб учрашувида "Қорабоғ" устидан қозонилган ғалаба (3:2) ҳақида фикр билдирди.
“Бу, албатта, фавқулодда ғалаба. Бу кўп нарсага арзийди, чунки бу руҳий ғалаба. Бу йилги жамоамизнинг руҳи ақл бовар қилмайдиган кучга эга - биз буни кўп маротаба намойиш этдик.
Биз доимо ўзимизга, кучли томонларимизга, мураббийимизнинг ҳақлигига ишонганмиз. Аммо бугун яна бир бор кучимизни кўрсатишимиз керак эди. Бугун ҳамма нарса жуда яхши кўринмаса ҳам, турнирдаги иштирокимизни давом эттирадиган бўлдик. Биз ким қаршилик кўрсатишидан қатъи назар, чорак финал тўсиғини яна енгиб ўтишни истаймиз", - дея Жаканинг сўзларидан иқтибос келтиради УЕФА матбуот хизмати.
