"Сандерленд" ярим ҳимоячиси Жоб Беллингем кўплаб топ-клубларнинг радарида.
"Реал Мадрид" юлдузининг укасини Англия Премьер-лигаси вакиллари кузатиб боришмоқда ва "Реал"нинг ўзи ҳам 18 ёшли футболчига қизиқиш билдирган. Tuttojuve хабарига кўра, "Ювентус" кичик Беллингем учун яна бир даъвогарга айланди. "Бьянконерилар" скаутлари ҳужумкор ярим ҳимоячининг ўйинини ўрганиш учун аллақачон Англияга келишган. Футболчига "Интер" ва "Милан" ҳам қизиқиш билдирмоқда.
Transfermarkt портали Жоб Беллингемнинг трансфер қийматини 9 миллион еврога баҳоламоқда. Англиялик футболчи жорий мавсум “Сандерленд” сафида 38 та ўйинда майдонга тушиб, 6 та гол ва 1 та голли узатмага муаллифлик қилган.
