“Рома” ҳужумчиси Ромелу Лукаку ҳали майдонга қайтишга тайёр эмас.
Бельгиялик футболчи сонидаги муаммолар туфайли Европа лигаси доирасидаги “Брайтон”га қарши ўйинни ўтказиб юборди. Римликлар бош мураббийи Даниэле де Росси 30 ёшли форвард жароҳат олмаганини ва шунчаки дам олиш кераклигини таъкидлаган бўлсада, муаммо кутилганидан жиддийроқ бўлиб чиқиши мумкин. Football Italia хабарига кўра, Лукаку А Серияда бўлиб ўтадиган "Сассуоло"га қарши ўйинда (17 март) ўйнамаслик хавфи бор. "Бўрилар" ҳужуми етакчисининг сафга қайтиш санаси ҳали эълон қилинмаган.
Ромелу Лукаку "Рома"нинг жорий мавсумдаги энг яхши тўпурарлари рўйхатини 34 ўйинда 17 та гол билан бошқариб турибди.
