“Лацио” ҳужумчиси Чиро Иммобиле ва унинг оиласи жамоа мухлислари томонидан ҳужумга учрамоқда, деб хабар беради Mundo Deportivo.

Манбага кўра, римлик мухлислар 34 ёшли форвардни март ойида "Лацио"ни тарк этган жамоа бош мураббийи Маурицио Саррининг кетишида айбдорлардан бири деб ҳисоблашмоқда.

Таъкидланишича, бир гуруҳ мухлислар Иммобиле ва унинг оиласини футболчининг ўғли ўқийдиган мактаб яқинида пистирмага туширган. Ҳужумчи ҳақоратланган ва ҳатто жисмоний зўравонлик ҳам қўллаган, бироқ тафсилотлар аниқланмаган.

Иммобиле - "Лацио" тарихидаги энг яхши тўпурар. Жорий мавсумда у барча турнирларда 34 та ўйин ўтказиб, 10 та гол урди ва битта голли узатмани амалга оширди. Ҳужумчи римликлар сафида 2016 йилдан буён ўйнаб келмоқда.