Каталониянинг “Барселона” клуби ҳужумчиси Роберт Левандовски Франциянинг “ПСЖ” клубига қарши Чемпионлар лигаси 1/4 финал учрашувидан умидлари билан ўртоқлашди. Эслатиб ўтамиз, жамоалар апрель ойида халқаро танаффусдан сўнг ўзаро тўқнаш келишади.
"Ишончим комилки, биз "Наполи"га қарши икки ўйиндан кўра яхшироқ ўйнаймиз. Биз Чемпионлар лигасининг ярим финалида ўйнаймиз", - дея польшалик форварднинг сўзларини келтиради Managing Barca.
Эслатиб ўтамиз, “ПСЖ”ни ҳозирда аввалроқ “Барселона”да футболчи сифатида тўп тепган Луис Энрике бошқармоқда. 2014/15 йилги мавсумда испаниялик мутахассис мураббий сифатида жамоа билан Чемпионлар лигасида ғолиб чиққан.
