Мюнхеннинг "Бавария" клуби ҳужумчиси Харри Кейн Томас Тухелнинг мавсум якунида мюнхенликлар бош мураббийи лавозимини тарк этиши ҳақидаги хабардан сўнг ҳафсаласи пир бўлди. Бу ҳақда немис матбуоти 30 ёшли англияликнинг атрофидагиларга таяниб хабар бермоқда.
Аввалроқ Тухель ёзда "Бавария"ни тарк этиши маълум бўлганди. Немис мураббийи Кейннинг ўтган ёзда "Тоттенхэм"дан "Бавария"га ўтиш қарорида катта роль ўйнаган. Кўнгилсизликларга қарамай, англиялик форвард профессионаллигича қолмоқда ва бундай вазиятлар футбол бизнесининг бир қисми эканлигини тушунади.
Кейн жорий Бундеслиганинг энг яхши тўпурари ҳисобланади. Британиялик футболчи Германия чемпионатида 25 ўйинда 30 та гол урган.
