Винисиус Жуниор охирги уч мавсумда 31 та сариқ карточка олди.

Мадриднинг “Реал” клуби Ла Лиганинг 29-турида “Осасуна”ни сафарда мағлуб этди (4:2). Мадридликлар форварди дубль қайд этди ва баҳсда мавсумдаги бешинчи сариқ карточкасини ҳам олди, шу сабабли у автоматик равишда битта ўйинга дисквалификация қилинди.

Қайд этилишича, Винисиус жорий Испания чемпионатидаги 5 та карточкадан атиги 1 тасини қўполлик учун, қолганини спортга хос бўлмаган хатти-ҳаракатлари ва ҳакамлар билан тортишувлари учун олган.

Бразилиялик футболчининг сўнгги 4 та ўйинида 4 та сариқ карточка бор - 3 таси Ла Лигада, 1 таси Чемпионлар лигасида.

Сўнгги 3 мавсумда Винисиус барча мусобақаларда 31 та сариқ карточка олди - бу "Реал Мадрид"даги иккинчи кўрсаткич. Фақат ярим ҳимоячи Эдуардо Камавинга (34) кўпроқ огоҳлантириш олган.