Винисиус Жуниор “Реал” сафида қаторасига тўртта ўйинда гол урди.

23 ёшли ҳужумчи Ла Лиганинг 29-туридан ўрин олган “Осасуна” – “Реал” учрашувида (2:4) дубл қайд этди.

Винисиус 2022 йил сентябрь ойидан бери биринчи марта кетма-кет тўртта ўйинда гол урди. Ўшанда серия бешта ўйиндан иборат бўлганди.

Бу даврда бразилиялик футболчи “Валенсия” (2:2) билан ўйинда ҳам дубл қайд этди ва “Лейпциг” (1:1) ва “Сельта” (4:0) дарвозасига биттадан гол киритди.

Умуман олганда, Винисиус жорий мавсумда барча турнирлар доирасида 28 та ўйинда 18 та гол урди ва 8 та голли узатмани амалга оширди.