Дарвозабон Эдерсон (“Манчестер Сити”) ва ярим ҳимоячи Каземиро (“Манчестер Юнайтед”) Бразилия терма жамоасининг бўлажак ўртоқлик ўйинларини ўтказиб юборади, деб хабар бермоқда терма жамоа матбуот хизмати.

Рўйхатдан Эдерсон ва Каземиродан ташқари ҳимоячи Маркиньос (“ПСЖ”) ва ҳужумчи Габриэль Мартинелли (“Арсенал”) ҳам олиб ташланди.

Бразилия терма жамоасига Эдерсон ўрнига дарвозабон Лео Жардим ("Васко да Гама") чақирилди. Маркиньос, Каземиро ва Мартинелли ўрнига ҳимоячи Фабрисио Бруно ("Фламенго") ва ҳужумчилар Пепе ва Галено (иккаласи "Порту") келади.

Март ойида Бразилия терма жамоаси иккита ўртоқлик ўйини ўтказади: Англия (23 март) ва Испания (26 март). Бразилияликлар икки учрашувни меҳмонда ўтказишади.