"Наполи" ҳужумчиси Хвича Кварацхелия афсонавий аргентиналик футболчи Диего Марадона билан солиштириш ҳақида гапирди. Грузиялик футболчи мухлислар томонидан берилган “Кварадона” лақаби билан фахрланишини айтди.

"Марадона - "Наполи" худоси." У билан солиштирилиш жуда ёқимли. Лекин, албатта, мен у билан ўзимни солиштира олмайман, чунки у тарихдаги энг яхши футболчилардан бири", - дея Кварацхелиядан иқтибос келтиради Football Italia.

Жорий мавсумда Кварацхелия “Наполи” сафида 37 та ўйинда майдонга тушиб, 10 та гол урди ва 6 та голли узатмани амалга оширди.