Иван Тоуни шу ёзда "Реал Мадрид"га ўтиш ҳақида ҳазил қилди.
"Брентфорд" форварди мавсум охирида клубни тарк этиши мумкин.
Англиялик футболчи аввалроқ кучлироқ жамоага ўтишдан манфаатдор эканини маълум қилган эди, "асаларилар" бош мураббийи Томас Франк Тоунининг шу ёзда сотилишини айтиб ўтганди.
Sky Sports нашрига берган интервьюсида Тоунидан ёзнинг идеал якуни қандай бўлиши сўралган.
"Биз ғалаба қозонишни бошлаймиз - мавсум охиригача ҳар бир ўйинда ғалаба қозонамиз. Мен йигирмата гол ураман. Ёзга келсак, мен Европа чемпионатида қатнашаман ва биз уни ютамиз.
Кейин ҳамма нарса жойига тушади. Агар "Брентфорд" мени сотмоқчи бўлса, улар катта пул олишади, мен "Реал"га ўтаман ва ҳаммаси яхши бўлади", - дея кулиб жавоб қилди Тоуни.
