Англия Премьер-лигасининг 29-тури доирасида "Лутон Таун" "Ноттингем Форест" билан дуранг ўйнади ва "Лутон" устози Роб Эдвардс буни яхши натижа деб ҳисобламоқда.
Эдвардснинг сўзларига кўра, инглиз футболининг юқори лигасида ўз ўрнини сақлаб қолиш учун курашда ҳар бир очко муҳим аҳамиятга эга.
"Биз олий лига йўлланмаси учун курашганмиз, курашга ўрганиб қолганмиз. Клубда шундай маданият борки, бу ерда 18 ой бўлганимдан кейин мен буни аллақачон англаб етдим.
Бу ердаги одамлар ҳеч қачон таслим бўлмайдилар.
Сўнгги пайтларда кўп аламли омадсизликларга дуч келган бўлсак-да, бу алоҳида кучли жамоа", - дея Роб Эдвардснинг сўзларини келтиради BBC Sport.
