"Бавария" дарвозабони Мануэль Нойер Германия терма жамоасидаги "биринчи рақамли" ўрин учун кураш ҳақида гапирди.
37 ёшли дарвозабон 2022 йил охирида жиддий жароҳат олганидан кейин илк бор миллий терма жамоага қайтганди.
Бироқ “Бавария” фахрийсининг Марк-Андре тер Штеген билан рақобатда ғалаба қозона оладими ёки йўқлиги ҳозирча аниқ эмас.
"Қўлимдан келган барча ишни қилишга ҳаракат қиламан, аммо бу қарор мураббийга боғлиқ. Албатта, мен Нагельсманн билан гаплашдим, лекин терма жамоада асосий ўйинчи бўлишим кераклигини айтмадим.
Мен шунчаки яхши ўйин кўрсатмоқчиман", - дея Нойернинг сўзларини келтиради Bayern & Germany.
