"Бавария" ҳужумчиси Харри Кейн кеча Бундеслига доирасида "Дармштадт" билан ўйинда енгил жароҳат олганига қарамай, Англия терма жамоаси сафига кетади.
Bild нашрининг хабарига кўра, агар Кейннинг жароҳати ўйланганидан жиддийроқ бўлиб чиқса, англиялик футболчи терма жамоадаги ўйинларда қатнашмайди. "Бавария" спорт директори Кристоф Фройнд Англия терма жамоаси мураббийлар штаби билан яқин алоқада эканлигини маълум қилди.
Кейн жорий Германия чемпионатида 31 та гол урди, бу Бундеслига тарихида бир мавсумда урилган голлар сони бўйича саккизинчи ўринни эгаллади.
