"Манчестер Юнайтед" бу мавсумда Англия кубогини қўлга киритмоқчи. Бу ҳақда “қизил иблислар” ярим ҳимоячиси Бруну Фернандеш гапирди.
Эслатиб ўтамиз, "Манчестер Юнайтед" "Ливерпуль" билан чорак финал учрашувида муваффақият қозонди - 4:3. Ғалаба тўпи иккинчи қўшимча вақтда 121-дақиқада Амад Диалло томонидан киритилди.
"Манчестер Юнайтед"да юқори талаблар бор ва уларга риоя қилиш керак. Агар бу клубда ўйнасанг, сенга катта босим бўлади. Мавсум биз учун яхши ўтаётгани йўқ, биз яхшиланишни хоҳлаймиз. Биз Англия кубогида ғалаба қозонишни истаймиз”, — деди португалиялик футболчи журналистларга берган интервьюсида.
"Манчестер Юнайтед" ярим финалда "Ковентри Сити"га қарши майдонга тушади.
