Диего Симеоне Ла Лига доирасида "Барселона"га қарши ўйинларнинг 64 фоизида мағлуб бўлган.
Бугун унинг қўл остидаги “Атлетико” ўз майдонида “кўк-анорранглилар”га 0:3 ҳисобида имкониятни бой берди.
Аргентиналик қўл остида жамоалар чемпионатда 25 марта тўқнаш келишган. Улар илк бор 2012 йилнинг 26 февралида ўйнаган ва каталонияликлар 2:1 ҳисобида ғалаба қозонган. Ўшандан бери "Барселона" яна 15 та ғалабага эришди, 7 ўйин дуранг билан якунланди. Бу вақт ичида “Атлетико” бор-йўғи икки марта ғалаба қозонган: 2020 ва 2021 йилларда. Шу тариқа, мадридликлар олиш мумкин бўлган 75 очкодан атиги 13 очко олган.
Чемпионлар лигаси, Испания кубоги ва Суперкубогини ҳисобга олсак, Симеоне "Барселона" билан 35 та учрашув ўтказган. "Атлетико" 5 марта ғалаба қозонган, 11 марта дуранг ўйнаган ва 19 марта мағлуб бўлган.
