Ярим ҳимоячи Уэстон Маккенни келаси ёзда “Ювентус”ни тарк этиши мумкин. Америкалик футболчининг амалдаги шартномаси 2025 йилнинг ўрталарига қадар амал қилади, агар у узайтирилмаса, "кекса синьора" футболчини бир йилда текинга йўқотмаслик учун мавсум оралиғида сотиши мумкин.
Goal портали хабарига кўра, 25 ёшли Маккеннига Германиянинг "Боруссия Дортмунд" ва "РБ Лейпциг" клублари қизиқиш билдирмоқда.
Айтиш жоизки, аввалроқ Уэстон Маккенни Англия Премьер-лигаси клублари, хусусан, "Манчестер Юнайтед" билан боғлиқлиги ҳақида хабарлар тарқалган эди.
