Эугенио Аббаттиста Италия ҳакамлар ассоциациясида кўрган "жирканч нарсалар" ҳақида маълумот тарқатганидан кейин энди ҳакамлик бўйича кўпроқ тортишувлар бўлиши кутилмоқда.

Италия телекўрсатуви Le Iene аллақачон шахси номаълум бўлган собиқ ҳакам билан интервьюларни эфирга узатган эди, чунки унинг юзи ва овози ниқобланган.

Энди улар пайшанба куни яна бир сегментни эфирга узатадилар, аммо бу сафар ҳакам ўз карьераси ва мақоми ҳақида очиқ айтади. Бу кўрсатувларга Аббаттистанинг алоқаси борлиги айтилмоқда.

Аббаттистанинг таъкидлашича, у ўз атрофидаги жирканч нарсаларни қоралаш учун эркин фикрлагани сабабли бир неча ҳафта олдин ассоциациясидан истеъфога чиққанди.

Ҳакамларнинг ОАВ билан рухсатисиз гаплашиши тақиқланган ва Аббаттистанинг айтишича, у бир неча бор рухсатсиз интервьюлардан сўнг, ҳакамлик фаолиятидан истеъфога чиқишга кескин қадам қўйди.

У бир нечта ҳамкасблари билан турли гуруҳларга хабар юборган.