Бутун фаолиятини “Рома”да ўтказган италиялик афсонавий ҳужумчи Франческо Тотти Рим клубига қайтиши мумкинлиги ҳақидаги саволга жавоб берди.
"Мен ҳеч қачон "Рома"га қайтмайман. Менга доим шу саволни беришади. Яна бир бор жавоб бераманки, мен клубга қайтмайман", - дейди Франческо.
“Император” 2017 йилда фаолиятини якунлаганини эълон қилган эди. Рим клуби таркибида Тотти атиги бир марта Италия чемпионига айланди. Шунингдек, Италия кубоги ва мамлакат Суперкубогида иккита ғалаба қозонган. Франческо Италия терма жамоаси сафида 58 та ўйин ўтказиб, 9 та гол урган.
