Бугун олий лиганинг 2-туридан ўрин олган "Шўртан" - "Пахтакор" учрашуви бўлиб ўтиши лозим эди. Бироқ об-ҳавонинг ўта ноқулай келганлиги туфайли Ғузордаги ўйин номалум муддатга қолдирилди.
Бу ҳақда "Шўртан" клуби матбуот хизмати раҳбари Толибжон Қосимов voha.uz сайтига хабар бериб ўтди. Ғузор Марказий стадионидаги ёққан қор 35см қалинликда бўлиб, ҳозирги пайтда ҳам қор ёғиши давом этмоқда. Ушбу об-ҳавонинг ўйин ўтказиш учун жуда ноқулайлигини ҳисобга олган учрашув комиссари Олег Худайтов ва учрашув назоратчиси Радик Серазитдиновлар "Шўртан"-"Пахтакор" учрашувини бугун ўтказиб бўлмаслиги ҳақида қарор қабул қилишган. Ушбу учрашув қачон бўлиб ўтиши аниқ бўлгач сайтимиз орқали хабар берамиз.
Шунингдек "Пахтакор" жамоаси делегацияси ҳам бугун Тошкентга қайтиб кетишган.
