"Реал"нинг ўнг қанот ҳимоячиси Даниэль Карвахаль "ПСЖ" ҳужумчиси Килиан Мбаппени жамоага ўтишини кутаётганини тан олди.
25 ёшли франциялик футболчи парижликлар билан амалдаги шартномасини янгиламади ва мавсум охирида муддати тугайди. Форварднинг "Реал"га ўтиши деярли муқаррар деб ҳисобланади, аммо келишув ҳали расман тасдиқланмаган.
"Клуб бизга Мбаппе ҳақида ҳеч нарса айтмади, лекин у ёзда бизга қўшилиши мумкин. Уни бу ерда кўриш жуда яхши бўларди. "Реал Мадрид"да энг зўр ўйнаши керак ва Килиан улардан бири. Унинг трансфери нафақат клубимиз, балки бутун Ла Лига учун энг муҳим янгилик бўлади", - деди Карвахаль COPE нашрига берган интервьюсида.
