"Манчестер Сити"дан "Жирона"на ижарага берилган ўнг қанот ҳимоячиси Ян Коуто Пеп Гвардиола билан муносабатлари ҳақида гапирди.
21 ёшли футболчининг ижара муддати жорий мавсум охирида тугайди. Ла Лигада ажойиб ўйин кўрсатаётган бразилиялик футболчи учун "шаҳарликлар"нинг режалари бор-йўқлиги ҳозирча номаълум.
"Мен Гвардиола билан доимий алоқада эмасман, лекин биз "Манчестер Сити"да бўлганимда гаплашганмиз. Пеп яхши одам, ҳар доим сизни тинглашга тайёр. Бундай ажойиб мураббий билан ишлаш менинг орзуим. Умид қиламанки, мен унинг қўл остида ўйнай оламан", - деди жорий Испания чемпионатида 27 учрашувда битта гол ва 8 голга ассистентлик қилган Коуто TNT Sports телеканалига берган интервьюсида.