"Манчестер Юнайтед" ярим ҳимоячиси Кобби Майну Англиянинг асосий терма жамоасига илк таклифидан сўнг ўз таассуротлари билан ўртоқлашди. 18 ёшли футболчи март ойидаги ўйинлар учун "Уч шерлар" таркибига киритилгани сешанба куни маълум бўлди.
“Гарет Саутгейтнинг ёрдамчиси Стив Холланддан хабар олганимда мен ёшлар жамоасида эдим. Шундан сўнг учрашдик ва у менга асосий жамоага чақирилганимни айтди. Нима бўлганини тушуниш учун бироз вақт керак бўлди, лекин мен жуда ҳаяжондаман. Менинг бутун оилам ҳозир жуда хурсанд", - дея Майну сўзларини келтиради журналист Бен Жейкобс.
Англия терма жамоаси Бразилия (23 март) ва Бельгия (26 март) билан ўртоқлик ўйинлари ўтказади.
