"Реал" ва "Челси"нинг собиқ ярим ҳимоячиси Эден Азар ўз фаолиятидаги қайси мавсумни энг яхши деб билишини айтди.
“Менинг энг яхши мавсумим? Бу Жозе Моуриньонинг "Челси"даги иккинчи мавсуми эди. Ўшанда жамоа Премьер-лига чемпиони бўлди ва Лига кубогини қўлга киритди. Бизда ажойиб мураббий бор эди. Ўйинлардан кейин барча мухлисларимиз жуда хурсанд бўлган ҳис-туйғуларни тасвирлаш мен учун қийин", - деди бельгиялик собиқ футболчи.
Эслатиб ўтамиз, Азар ўтган йилнинг кузида футболчилик фаолиятини якунлаганини эълон қилган эди. Ярим ҳимоячи Бельгия терма жамоаси сафида 126 та ўйин ўтказиб, 33 та гол урган.
