Каталониянинг "Барселона" клуби Германия Бундеслигаси ҳужумчисини кузатишни бошлади. Daily Mirror хабарига кўра, "Барса" "РБ Лейпциг" ҳужумчиси Бенжамин Шешкога қизиқиш билдирмоқда.
Олдинроқ словениялик футболчининг шартномасида товон пули 50 миллион еврони ташкил этиши кўрсатилгани маълум бўлганди.
Ушбу параметр кейинги ёзда фаоллашади.
Бироқ “Барселона” худди шундай нархдаги ҳужумчини сотиб олишга қурби етадими ёки йўқми, ҳозирча номаълум.
Эслатиб ўтамиз, клуб ҳали ҳам молиявий муаммоларга дуч келмоқда. Маълумот учун, футболчига аввалроқ "Арсенал" ҳам қизиқиш билдирганди.