"Арсенал" ва "Барселона"нинг собиқ ҳужумчиси Тьерри Анрининг фикрича, "Атлетико" ҳужумчиси Антуан Гризманни жуда паст баҳолаган.
“Гризманн бизга машаққатли меҳнат истеъдод эканлигини эслатиб ўтади. Антуан дунёдаги энг паст баҳоланган футболчи. Биз Килиан Мбаппе ҳақида тез-тез гапирамиз, шу қадар тез-тезки мен уни танқид қилиш учун сабаблар қидираман. Аммо Гризманн... унинг голлари ва узатмаларига қаранг.
Айтинг-чи, тарихда ким ҳужумда тўртта позицияда ҳам ўйнаган? Бундай футболчилар кўп эмас. Гризманн улардан бири”, - деди Анри Le Parisen нашрига берган интервьюсида.
Гризманн 2021 йилнинг ёзида “Атлетико”га қайтган эди. Мадридликлар уни дастлаб "Барселона"дан ижарага олган ва ўтган ёзда сотиб олганди.
Жорий мавсумда 32 ёшли франциялик футболчи жамоаси сафида 38 та ўйин ўтказиб, 18 та гол урди ва 7 та голли узатмани амалга оширди. Шу йилнинг январь ойида у "Атлетико" тарихидаги энг яхши тўпурарга айланди.
