Италия терма жамоаси дарвозабони Жанлуижи Доннарумманинг фикрича, тактик ўзгаришлар жамоа учун муаммо бўлмайди. Бўлажак ўртоқлик ўйинларида "скуадра адзурра" жамоаси бош мураббий Лучано Спалетти айтганидек, янги тактик тизимларни синаб кўриши мумкин.
“Ҳар бир учрашув муҳим. Биз Евро-2024га тайёргарлик кўришимиз керак”, - дейди Доннарумма. - Мураббий қандай тактик тизимни танлашидан қатъи назар, биз тайёр бўлишимиз керак. Агар керак бўлса, уч ёки тўртта ҳимоячи билан ўйнай оламиз", - деди "ПСЖ" дарвозабони Sky Sport нашрига берган интервьюсида.
22 март куни Италия терма жамоаси Венесуэлага қарши майдонга тушади.
