"ПСЖ" ҳужумчиси Килиан Мбаппе Лига 1нинг энг кўп маош олувчи футболчилари рейтингида ишончли тарзда биринчи ўринни эгаллади.
"Реал"га ўтиш арафасида турган 25 ёшли футболчи амалдаги шартномасига кўра ойига 6 миллион евро маош олади, деб хабар беради L'Equipe. Эътиборлиси, ушбу рўйхатнинг барча кучли ўнталиги “ПСЖ” футболчиларидан иборат: иккинчи ўринни Усмон Дембеле ва Маркиньос (ойига 1,12 миллион евро), учинчи ўринни Люка Эрнандес (1,11 миллион) ва Милан Шкриньяр (1,1 миллион) эгаллаган. Жанлуиджи Доннарумма, Марко Асенсио, Рандал Коло-Муани, Ашраф Ҳакимий ва Норди Мукиэле мос равишда олтинчи ўнинчи ўринларни эгаллаб турибди.
Бошқа клублар вакиллари орасида “Марсель”дан Пьер-Эмерик Обамеянг ва “Монако”дан Виссам Бен Йеддер (ойига 650 минг евро) етакчилик қилмоқда.
