Lequipe журналистлари Германия Бундеслигасининг энг кўп маош олувчи футболчилари рейтингини тақдим этди. Ушбу рўйхатда биринчи ўринни "Бавария" ҳужумчиси Харри Кейн эгаллади. Англиялик тўпурарнинг ойлик маоши 2,1 миллион еврони ташкил қилади.
Иккинчи ва учинчи ўринларни дарвозабон Мануэль Нойер ва ҳужумчи Томас Мюллер (ҳар бири 1,66 миллион) бўлишди. Тўртинчи ва бешинчи ўринларни ярим ҳимоячилар Кингсли Коман ва Серж Гнабри бўлишди (ҳар бири 1,42 миллион).
Бу мавсумда "Бавария" чемпионлик унвонини қўлдан чиқаришга яқин турибди. Бундеслиганинг 26-туридан сўнг Томас Тухель шогирдлари 60 очко жамғариб, турнир жадвалида иккинчи ўринда бормоқда. Мюнхенликлар "Байер"дан ўн очко ортда қолмоқда.