Аргентина ва "ПСЖ"нинг собиқ ҳужумкор ярим ҳимоячиси Хавьер Пасторе Килиан Мбаппе билан суҳбатни эслади.

"Мен у билан Қатардаги финалдан бир неча ой ўтиб, "ПСЖ"нинг бир ўйини олдидан кўришганман. Ўшанда ундан ташқари Месси ва Неймар ҳам ўша ерда эди.

Мен уни Жаҳон чемпионатидаги ўйини билан табрикладим ва у менга: "Йўқ, ўша лаънати Месси бизни Жаҳон чемпионатида маҳрум этди!", деди. 

У буни Леонинг финалда ёлғиз ўзи ғалаба қозонганини назарда тутгандек, ҳазил билан айтди.

Мен Килиан билан кўп гаплашдим, у жуда мақсадли йигит: у финалда ютқазди, эртаси куни эса у кейинги сафар ғалаба қозонишини ўйлаётганди", — дея Пасторенинг сўзларини келтиради La Nacion.