"Реал" ва Андрей Лунин янги шартнома шартларини муҳокама қилишмоқда.
Мадрид клуби дарвозабоннинг агенти Жорже Мендеш билан музокараларни бошлади, деб хабар беради The Athletic.
"Реал" украиналик футболчига ишончини кўрсатмоқчи. Лунин расмий таклиф олганида келажак ҳақида фикр юритади.
Баъзи маълумотларга кўра, 25 ёшли дарвозабон доимо қолишга мойил бўлган.
Мадридликлар Андрейнинг янги мавсумни шартномасини узайтирмасдан бошлашини истамаяпти. Амалдаги шартнома муддати 2025 йилда тугайди.
Жорий мавсумда Лунин барча турнирларда 23 та ўйин ўтказиб, 19 та гол ўтказиб юборди ва 10 та ўйинда ўз дарвозаси дахлсизлигини сақлаб қолди.
